Drachesteije
Ein Lied von: Brings
Drachen steigen
Text
Op da jroße Wiese
hinger d`r Autobahn,
do loßense Drache steije.
Kumm, lor dir dat Spillche ens an.
Wä kütt wal am hühkste?
Wä hät de längste Schnor?
Opsteech en Karriere:
Zällt dat em Leeve nor?
Refrain:
Uns Drache huh am Himmel.
He unge du un ich.
Jebunge un en Freiheit:
Su maach ich dich.
Drache, die steije,
su huh et jeit.
Bes en d`r Himmel -
nor wenn d`r Wind jot steit.
Mänchmol sin do zwei,
die halde sich för kloch.
Se binge ehr Drache zesamme
un hoffe op ne jode Floch.
Doch et jitt och Flaute,
un de Winde ston nit jot.
Ehr Drache, zesammejebunge,
lande beids en d`r Sot.
Refrain:
Uns Drache huh am Himmel.
He unge du un ich.
Jebunge un en Freiheit:
Su maach ich dich.
Drache, die steije,
su huh et jeit.
Bes en d`r Himmel -
nor wenn d`r Wind jot steit.
Mehr Kölsche Lieder
Weitere Kölsche Begriffe
Brings sind einfach geil, ich mag den rockigen Stil der Jungs!
